1
اجمل اشعار الابوذيات @#@# في الثلاثاء أغسطس 05, 2008 11:17 pm
حمودي
@@مدبر و صاحب المنتدى@@
يل بهمك ملابس لابستني وثوب الحزن بيدك لبستني
رحت لا صالحتني لا بستني
ولا گتلي چذب حقك عليه
اريد ازلم خديدك واشتم نه
واريد انعل ابك واشتمنه
تدري شراد گلبي وش تمنه
عله صدرك اموت وهاي هيه
اطلبه واجه وفاني سوا دين
شدهني وصارن براسي سوادين
يحگلي احزن عليك البس سوادين
الوجه و الثوب اصبغهن سويه
گبل عنگود خدك يمي داني
غفيت و رمش عينك يم اذاني
اغم گصتي و اصيحن يمداني
يمي وما خذت ثاري بديه
بدمع عيني كتبتلك خاطره انه
والك ما يوم كاسر خاطر انه
غير انته تجيني خاطر انه
اجيلك معتني زحوف عله اديه
ارظعتني الدنيه همهه من ندهه
طحت و الطيحه طيحه من نهدهه
والله بگلبي حسره من اهدهه
ابچي المن صخر گلبه عليه
البشر معدن تعرفه بيك ينحك
بيوم التوگع و مكسور ينحك
علي خيط المصايب گام ينحاك
والتكتلك حبيبي الحاكه اليه
وحگ من غنت الاطلال وانساك
ما تحله الليالي بغير ونساك
وصوتك مو مثل كل صوت و انساك
وابد ما يوم مر نسيان بيه
أأمرني و البيلك عسلبيك
وعساهن بيه يفترن عسه البيك
حنظل لو ظگت خدي عسل بيك
وشفتك للنحل وجبه شهيه
جاري الاتصال وياك جاري
يامن حبك نهر بالروح جاري
وين اللة وبيوم تصير جاري
احنة الباب والحايط سوية
بيا اية حسن ابدي و اشبهان
وحبك نار يمدلل وشبهن
و يريت اغفه عله خدودك و اشب هان
واحط خد عله خد و هاي هيه
اريد انشد ضهاري الصيف و اسعه
عله ام حلگ الزغير و عين وسعه
يحفار الگبر بالله عليك وسعه
بلكي تصير موتتنه سويه
يگلبي الي تحبهه رابط الهه
وحرز بالروح صدگ رابط الهه
انا الشاعر واسوي رابطه الهه
واخلي اهل الشعر تحتار بيه
طيور العمر لا مدن ولا جن
وما عرف علتي لا انسي ولا جن
ولابيره التسكرني ولا جن
واسكر من يمر رسمك عليه
احبك من زمن جدك و جدي
وحب گلبي الك ثابت و جدي
واريد اوگف ابابك و اجدي
بلچي و ينكسر گلبك عليه
كافي من الهجر يا عمي بس بس
ومن بأذنك عله الهجران بس بس
چنت تركض من اصيح بصوت بس بس
شجاك شغيرك هسه عليه
غرف رمان خدك غرف تين
واريد اغرفلي من خدك غرفتين
تأجر مشتمل گلبي غرفتين
و الايجار بوسه بكل مسيه
احبك وانته عاقل وانته بهلي
ولاني اني بهلك وانته بهلي
شوف شراح اگلك وانتبه لي
احبك يالله وخر هاي هيه
نسيت اسمي دذكروني انا من
وبأقرب ناسي ما اگدر انا امن
والچنت بعيونه اتغطه وانامن
بچاني ويه الدمع ما رحم بيه
جبل و الصخر ملبوسي و هدماي
وعلي هد بعطش يكتل و اهد ماي
صعب يا وكتي تحريكي و هدمي
حته من ارد اطيح اوگع عليه
سنه فاتت عله فراگك ونصهه
نظرتك عني قللهه و نصهه
نصيحه اليوم اسولفهه و انصهه
ابعد لا تهيج الألم بيه
،،،،،،،،،،، تعبت من الكتابه والله ،،،،،،،،،
تحيتي
عليك عيون تسحر من يراهن
وظنّه يموت بالحب من يراهن؟
يريت عيوني تعمه ومن يرى هِن
لأنك غالي يحبيّب عليّــــه
عجب مامَر شريك الروح بس لاح !
رماني وردت اصد السهم بس ..لاح
لجيبك لو تصير اليوم بسلاح
وتداوي جروح علاّتي الخفيه
اموت بنطرة اعيونك وشعرك
واحب اسمع مواويلك وشعرك
تمنيتك قصيدة انت وشعرك
و ردد بيك كل صبح و مسية
بعت كلبي وملكتك مالك أحلة
لأن أجمل مشاعر مالك أحلة
صدك رمش عيني ماله كحلة
بس أطراف أصبعك كحلة لية
أذب جلدي بغيابك وأنتزعلك
وأهد وافزع وأجيلك وأنتزعلك
زعل الناس زعلة وأنتة زعلك
تزعل الكون من تزعل علية
وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه
عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه
حبيبي بيوم عني أرحلت خاليت
وسهام الهجر بالدلال خاليت
انه الجنت اضنك ولف خاليت
ولامرني خيال تخون بيه
قسيت وياك يسمر عمي انا
وعين الماتشوفك عمي انا
اذا خالك فزعلك عمي انا
تبرة وضحك الوادم علية
فرغ كلبي بمحبتك ماتملي
ولحظات بعشرتك ماتملي
بجفاك العزة ناصب ماتم لي
و جة حتى النجم يلطم عليه
لجل حبك خضعنا وانتمينـــه
ولان الطيب منكم وانته منـه
دخل نرفع ادينه وانتمـــنه
يربي ادوم عشرتنه سويـــــــه
يكلبي امشي بدرب حبك ولك حيل
و الك من غايتك همة و الك حيل
الضعيف يطيح بلمطرد و الكحيـٍَِل
يواصل لو علة جتافة المنية
وصل خطك يروح الروح بي داي
قريته وسال دمع العين بيداي
ياريت اليالي اتعود بيداي
واخبرك بالفراك شعمل بيه
عيوني من البجي ركن شراكة
بعتني والكلب تدري شراكة
جبتني وياك عالحلوة شراكة
وكت المر عفتني وخنت بيه
شربت الجاي مر مر بستكانة
وحرام اكضي العمر كاعد باستكانة
سبع بوسات يسمر بستك انه
ولو تطلب بعد اوصل المية
